UHlabisa uyena umholi owaqokwa uShenge: uMntwana uPhumzile
UMNTWANA uPhumzile Buthelezi usephumele obala wathi, akukho ukudideka eNkatheni ngozohola leli qembu. Ekhuluma engxoxweni abe nayo nesiteshi sethelevishini uthe, uShenge waqoka uMnuz Velenkosini Hlabisa ngoba wayevele ehamba naye isikhathi esiningi.
Uthe uShenge wayengeke avele athathe umuntu ovumbuke esikhaleni nje. “UHlabisa ujoyine iNkatha kudala,” uMntwana uPhumzile uthe kwaba umqondo wakhe futhi uShenge ukuthi Inkosi yaseMbongombongweni uMzamo Buthelezi ibe yiPhini likaMengameli.
Uphethe ngokuthi bona bajabulile ngobuholi bukaMnuz Hlabisa futhi bayabuthemba.