UDlamini Zuma usethi khumu ePhalamende
Sekuvele incwadi okuthiwa ibhalwe yilungu lesigungu esiphezulu se-ANC, uDkt Nkosazana Dlamini Zuma ebhekiswe eqenjini lapho eveze khona ukuthi akasabuyi njengelungu lePhalamende ngemuva kokhetho likazwelonke nonyaka.
UDlamini Zuma (74) usebe yilungu lePhalamende kusuka ngo-1994. Uke wahoxa ngesikhathi eqokwe njengoSihlalo we-African Union ngo-2012 ngaphambi kokubuya ngo-2017.
Kule ncwadi uqala ngokubonga ukumenywa ukuthi azokwenza inhlolokhono ukuze abe sohlwini lwabazomela iqembu ePhalamende. Inhlokokhono kubhalwe ukuthi ihlelelwe uLwesibili ekuseni.
“Ngithanda ukubonga bonke ubuholi be-African National Congress kusuka kuzwelonke, esifundazweni, isifunda nasemagatsheni ngokunginika ithuba nokungeseka ekusebenzeleni izwe nabantu baseNingizimu Afrika njengomsebenzi womphakathi nanjengelungu lekhabhinethi kusuka ngo-1994.”
Uthe ngeke aze aye kwinhlolokhono ngoba usenqume ukuthatha umhlalaphansi njengelungu lePhalamende.
Incwadi esayinwe ngoLwesihlanu ivela ukuthi ibibhalelwe uMnuz Kgalema Motlanthe onguSihlalo wekomiti lezokhetho kwi-ANC.